Dwarna

Kelmtejn ta’ merħba

EMPL Chair
Dragoş PÎSLARU © European Union(2022)-European Parliament
Merħba bik fis-sit web tal-Kumitat għall-Impjiegi u l-Affarijiet Soċjali (EMPL).

Il-Kumitat EMPL huwa responsabbli għall-impjiegi u għall-aspetti kollha tal-politika soċjali, inklużi l-kundizzjonijiet tax-xogħol, is-sigurtà soċjali, l-inklużjoni soċjali u l-protezzjoni soċjali; il-moviment ħieles tal-ħaddiema u tal-pensjonanti; id-drittijiet tal-ħaddiema; il-miżuri tas-saħħa u s-sikurezza fuq il-post tax-xogħol; il-Fond Soċjali Ewropew; il-politika tat-taħriġ vokazzjonali, inklużi l-kwalifiki professjonali; id-djalogu soċjali; u l-forom kollha ta' diskriminazzjoni fuq il-post tax-xogħol u fis-suq tax-xogħol, għajr dawk abbażi tas-sess; Aħna inkarigati wkoll mir-relazzjonijiet ma' ħames aġenziji: is-Cedefop, il-Eurofound, l-EU-OSHA, l-ETF u l-ELA li għadha kif inħolqot.

Il-Kumitat għandu 55 membru u l-istess għadd ta' sostituti, li jirrappreżentaw lis-seba' gruppi politiċi tal-Parlament.

F'dan is-sit web, issib l-informazzjoni rilevanti kollha marbuta mal-attivitajiet tagħna, li jippermettulek issegwi l-ħidma tagħna mill-qrib.

Dragoş PÎSLARU
Protezzjoni tad-Data fil-Kumitati

Dokumenti utli

Setgħat u responsabilitajiet

Kuntatti

Brussels

Links