Tá Mindaugas Gudelis ag obair mar dhochtúir ag FC Barcelona ón am sula raibh ráig COVID-19 ann. Le linn na chéad laethanta ar fad den phaindéim, thairg sé go rachadh sé sna línte tosaigh ag ospidéal Lleida sa Spáinn agus, chomh maith leis sin, thosaigh sé ag comhroinnt físeán a bhí tarraingteach agus bunaithe ar fhíricí agus a scaip go gasta agus go forleathan ar na meáin shóisialta sa Liotuáin.

Nuair a bhí sraith bialann “Jurgis ir drakonas” le Odeta ag tabhairt aghaidh ar chur amú méideanna móra bia, chinn sí é a chócaráil agus béilte a thabhairt d’fhoirne ag oibriú sna hospidéil i Vilnias agus in Kaunas. Tar éis an tionscnamh a roinnt ar na meáin shóisialta, thairg saoránaigh agus gnólachtaí ar fud na tíre a gcúnamh: A bhuí lena síntiúis, déanann Odeta agus a comhghleacaithe béilí saor in aisce a thabhairt d’fhoirne leighis agus, freisin, tugann siad do bhainc bhia áitiúla agus do dhaoine atá i ngátar.

Ós rud é go bhfuil seirbhísí leighis atreoraithe le linn na paindéime, níl fáil ag roinnt saoránach ar na dochtúirí, ar na fiaclóirí, ar na fisitheiripeoirí, agus ar na síceolaithe a bhíonn acu de ghnáth. Chruthaigh Mindaugas, atá ina dhochtúir é féin, leathanach Facebook inar féidir le daoine ceisteanna leighis a chur agus comhairle a fháil go mear (laistigh de 10 nóiméad agus 24 uair a chloig, ag braith ar phráinn na hiarrata). Ní hamháin go ndéantar comhairle leighis bhunúsach a sholáthar d’othair, ach laghdaítear ualach na bhfoirne leighis atá ag an líne thosaigh agus sábháiltear airgead poiblí a threorú go cúraimí atá neamhriachtanach nó neamhphráinneach.

Lena gcomhghleacaithe ag Laisves TV (“Teilifís na Saoirse”), eagraíocht meán ar líne agus ENR, sheol Gabija agus Ieva feachtas slua-mhaoinithe chun trealamh cosanta pearsanta a cheannach do na hospidéil, go háirithe dóibh siúd i gceantair iargúlta ina bhfuil an staid níos criticiúla ná i gcathracha móra. Laistigh de dhá sheachtain, tá €2 mhilliún bailithe acu cheana féin. Tá siad ag comhoibriú, freisin, leis an tionscal faisin áitiúil chun cabhrú leo táirgeadh a aistriú go fearas cosanta.

Le cúnamh ó oibrithe deonacha, sheol Robertas táirgeadh ar mórscála de na céadta míle píosa trealaimh chosanta do ghairmithe leighis sa Liotuáin. Laistigh de shé seachtaine, tháirg siad os cionn 100,000 masc máinliachta, os cionn 240,000 masc frithbhaictéarach aon uaire agus maisc HEPA 10, agus os cionn 20,000 culaith agus fallaing aon uaire táirgthe acu cheana féin. A bhuí le Robertas agus lena oibrithe deonacha, tá an ganntanas i dtrealamh cosanta réitithe go pointe áirithe: is tionscaimh mar seo a chuireann ar chumas na ngairmithe leighis a n-obair a dhéanamh go sábháilte agus gan an víreas a tholg iad féin.

I dteannta an chomhphobail teicneolaíochta sa Liotuáin, d’éirigh le Eimantas, Tomas agus a gcomhghleacaithe ag Tesonet €440k a bhailiú chun solárthairtí leighis a cheannach d’ospidéil na Liotuáine. Bailíodh an t-airgead sin ar fad laistigh de 72 uair an chloig. Úsáideadh é chun análaitheoirí, agus trealamh eile amhail cultacha cosanta, nó maisc chadais do thithe altranais, trealamh a raibh géarghá leis ar fad, a chur ar fáil do na hospidéil is mó sa Liotuáin. Déanann tionscnaimh mar seo comhlánú ar chlár RescEU an Aontais, a bhailíonn trealamh leighis chun gur féidir na soláthairtí riachtanacha a sheoladh go tapa chuig na Ballstáit sin a bhfuil ganntanas trealaimh iontu.