"L-anzjani jgħixu waħidhom, u huwa importanti ħafna għalihom li xi ħadd juri interess fihom“
Aleksandra, Monika u Agata
Iżommu kuntatt mal-anzjani li jinsabu f'iżolament
Ara l-vidjow: Il-Polonja, Lublin
Voluntiera żgħażagħ Pollakki, li jiddedikaw ħinhom biex jgħinu lill-anzjani tagħhom: dan huwa dak li tagħmel "Recipe for Help". Imwaqqfa mill-fergħa ta' Lublin tas-Salib l-Aħmar tal-Polonja, l-inizjattiva tinkoraġġixxi voluntiera jċemplu lill-anzjani madwar ir-reġjun, u joffru konverżazzjonijiet amikevoli u anki għajnuna oħra skont il-bżonnijiet u l-eżiġenzi ta' kull persuna. "Jien inħoss li hemm bżonn kbir ta' din it-tip ta' għajnuna," tgħid Aleksandra, voluntiera żagħżugħa. "L-anzjani jistgħu jitkellmu magħna għal siegħat sħaħ dwar il-passat u l-valuri tagħhom. Naħseb li dan imur lil hinn mis-sitwazzjoni tal-COVID-19: l-anzjani jħobbu jqattgħu ħin ma' nies ta' età iżgħar minnhom u jaqsmu l-esperjenzi tagħhom." L-anzjani apprezzaw ħafna din l-inizjattiva peress li turi kif ftit ġesti jew "ingredjenti"sempliċi jistgħu jsaħħu l-komunitajiet. Kif issostni l-fergħa lokali tas-Salib l-Aħmar tal-Polonja, "tazza sikurezza, żewġ mgħaref għarfien, ftit rieda tajba, u erba' qatriet ħin, jagħmlu differenza enormi waqt il-pandemija tal-COVID-19."