Il-Kunsill jaħtar is-27 kummissarju nnominat bi ftehim mal-President elett tal-Kummissjoni.
Il-President tal-Kummissjoni jinkariga kull kummissarju, wieħed minn kull pajjiż tal-UE, minn qasam ta' politika speċifika.
Il-Kummissjoni kollha hija suġġetta għall-approvazzjoni tal-Parlament Ewropew.
Kull kandidat jiġi evalwat mill-kumitati tal-PE li jittrattaw il-portafoll tiegħu/tagħha.
1)Proċedura bil-miktub: Il-kandidat nominat għandu jipprovdi risposti bil-miktub għal ħames mistoqsijiet magħmula mill-MPE.
2) Il-kumitati tal-PE responsabbli mill-portafoll jattendu wkoll is-seduta tas-smiegħ ta' tliet sigħat li tkun imxandra direttament onlajn. Il-kandidat jagħmel diskorts tal-ftuħ ta' massimu ta' 15 -il minuta u wara għandu jirrispondi għall-mistoqsijiet.
3) Laqgħa ta' evalwazzjoni: Il-kumitat responsabbli għandu jiffinalizza l-evalwazzjoni tiegħu fi żmien 24 siegħa wara s-seduta. Il-kumitat jista' jitlob aktar informazzjoni bil-miktub.
4) Rapport ta’ valutazzjoni fuq kull Kummissarju nnominat jintbagħat lill-Presidenti tal-Konferenza tal-Kumitati u l-Konferenza tal-Presidenti tal-PE, li, sakemm ma tiddeċidix li tfittex aktar informazzjoni u wara li tkun qasmet il-fehmiet tagħha, tiddikjara s-seduta magħluqa.
Il-President tal-Kummissjoni, imbagħad, jippreżenta lit-tim tiegħu/tagħha u l-prijoritajiet politiċi waqt sessjoni tal-plenarja tal-Parlament Ewropew. Wara dibattitu, il-MPE jiddeċiedu, b’maġoranza tal-voti mitfugħa, jekk jappoġġjawx l-Kulleġġ il-ġdid tal-Kummissarji għal mandat ta’ ħames snin.
Il-Kummissjoni Ewropea tista' tibda l-mandat ta' ħames snin tagħha wara li tkun ġiet approvata mill-Parlament u maħtura mill-Kunsill.