Is-sorveljanza makroekonomika

Skedi Informattivi dwar l-UE 30-01-2024

Matul l-aħħar deċennju, l-UE esperjenzat żbilanċi makroekonomiċi kbar (li aggravaw l-effetti negattivi tal-kriżi finanzjarja li bdiet fl-2008) u diverġenzi serji fil-kompetittività (li ma ppermettewx l-użu effikaċi ta’ miżuri komuni ta’ politika monetarja). Fl-2011, l-UE stabbiliet il-proċedura ta’ żbilanċ makroekonomiku (MIP) – proċedura ta’ sorveljanza u infurzar intiża biex tiffaċilita l-identifikazzjoni bikrija u l-korrezzjoni ta’ tali żbilanċi fl-Istati Membri, filwaqt li tingħata attenzjoni speċjali lil dawk l-iżbilanċi b’effetti konsegwenzjali potenzjali fuq Stati Membri oħra.