Żjara fl-Emiċiklu ta' Strasburgu 

Żjara fl-Emiċiklu ta' Strasburgu

Strasburgu
Parlament Ewropew

Idħol fil-kurituri tal-Parlament Ewropew fi Strasburgu, ara l-emiċiklu fejn isiru d-dibattiti u żur il-parlamentarium interattiv Simone Veil.

60'
20-75
FR, DE, EN

Żjara fl-Emiċiklu ta' Strasburgu

Strasburgu
Parlament Ewropew

Żjara fl-emiċiklu tal-Parlament toffri opportunità straordinarja biex il-viżitatur jgħix l-atmosfera unika tal-akbar parlament transnazzjonali fid-dinja. L-emiċiklu hu l-post fejn isiru l-aktar dibattiti importanti tal-Parlament Ewropew u fejn saru ħafna votazzjonijiet storiċi.

Kull żjara fil-Parlament Ewropew fi Strasburgu tinkludi l-parlamentarium Simone Veil. F'din il-wirja dinamika u interattiva, ċittadini ta' kull età jingħataw ħarsa prattika lejn ir-rwol tal-Parlament Ewropew, il-gruppi politiċi u x-xogħol tal-Membri tiegħu.

Żjara ddum madwar 60 minuta.

Gruppi li jkunu bbukkjaw żjara ggwidata

Il-gruppi (aktar minn 20 persuna) jistgħu jibbukkjaw iż-żjara ggwidata tagħhom bl-Ingliż, bil-Franċiż jew bil-Ġermaniż online minn qabel. Żomm f'moħħok li għaż-żjarat nistgħu ngħaqqdu gruppi differenti flimkien. Il-gruppi għandhom jibbukkjaw tal-anqas jumejn qabel.

Parti miż-żjara tista' ssir bi gwidi multimedjali, li huma disponibbli b'24 lingwa.

Il-gruppi li jkunu bbukkjaw jaf ukoll ikunu jistgħu jżuru t-terrazzin panoramiku, imma dan jiddependi minn għadd ta' fatturi, bħat-temp u d-daqs tal-grupp. It-terrazzin joffri perspettiva unika tal-Parlament Ewropew, kif ukoll veduti spettakolari ta' Strasburgu.

Ibbukkja żjara għal grupp online.

Viżitaturi individwali u gruppi li ma jkunux ibbukkjaw

Il-viżitaturi individwali u l-gruppi li ma jkunux ibbukkjaw jistgħu jidħlu fil-ħinijiet tal-ftuħ indikati hawn taħt. Iż-żjarat isiru bi gwidi multimedjali, li huma disponibbli b'24 lingwa. Meta jkun hemm ħafna nies, jaf ma jkunx hemm gwidi multimedjali disponibbli. Jekk jiġri hekk, il-membri tal-persunal ikunu għad-dispożizzjoni tal-viżitaturi biex iwieġbu mistoqsijiet u jitkellmu dwar il-Parlament Ewropew bl-Ingliż, bil-Franċiż u bil-Ġermaniż.

Ħinijiet tal-ftuħ

Mit-Tnejn sal-Ħamis Il-Ġimgħa Is-Sibt
11.30; 15.00−17.00 11.30; 13.00−17.00 9.30−12.00; 13.00−17.00
Mit-Tnejn sal-Ħamis
11.30; 15.00−17.00
Il-Ġimgħa
11.30; 13.00−17.00
Is-Sibt
9.30−12.00; 13.00−17.00

Special opening hours from 29/11 to 14/12 and 20-21/12

 

Mit-Tnejn sal-Is-Sibt
9.30−12.00; 13.00−17.00
Mit-Tnejn sal-Is-Sibt
9.30−12.00; 13.00−17.00
 
 
 
 

Il-Parlament Ewropew ikun magħluq il-Ħdud, fil-ġranet ta' għeluq tal-uffiċċju u fil-festi pubbliċi.

Fl-2019: mill-23/12 sat-04/01/2020 inklużi.

Fl-2020: 23/03, 09/04, 10/04, 11/04, 13/04, 01/05, 05/05, 09/05, 16/05, 21/05, 22/05, 27/05 (Petang), 28/05, 29/05, 30/05, 01/06, 10/06, 11/06 (Pagi), 14/07, 15/08, 02/11 u mill-24/12 sat-04/01/2021 inklużi.

Sigurtà

Biex tidħol fil-bini tal-Parlament Ewropew, ikollok bżonn dokument tal-identità validu (karta tal-identità jew passaport).

Il-viżitaturi u l-basktijiet kollha jista' jsirilhom kontrolli tas-sigurtà bħalma jsiru fl-ajruporti qabel ma jitħallew jidħlu. Ma jistgħux jiddaħħlu armi tan-nar, sustanzi splussivi jew fjammabbli, pepper spray, oġġetti li jaqtgħu u oġġetti oħra li jistgħu jitqiesu bħala armi. Bi qbil mal-leġiżlazzjoni nazzjonali Franċiża, ċerti oġġetti pprojbiti jistgħu jingħataw lill-pulizija.

Jistgħu jittieħdu ritratti u videos fiż-żona tal-viżitaturi, iżda mhux fiż-żona tas-sigurtà u fil-gallerija tal-Emiċiklu waqt is-sessjonijiet plenarji.

Aċċessibbiltà

Il-Parlament Ewropew huwa impenjat li jtejjeb kostantement l-aċċess għall-persuni b'diżabilità. Jekk inti jew xi ħadd mill-grupp tiegħek għandkom bżonn assistenza speċjali, jekk jogħġbok avżana minn qabel.

Viżitaturi individwali

Gruppi

 

Faċilitajiet

Fiż-żona tal-viżitaturi ssib ħanut tas-souvenirs u kafetterija b'xarbiet rinfreskanti u snacks tajbin. Il-canteen tal-viżitaturi huwa disponibbli għall-gruppi li jibbukkjaw.

Parlament Ewropew

Bangunan Louise Weiss
1 Allée du Printemps
F-67070 Strasbourg cedex

Kif tasal hemm

Jekk jogħġbok ikkonsulta l-website tal-SNCF (ferrovija Franċiża).

Wi-fi

Informazzjoni prattika

Kompli ż-żjara tiegħek

  

Mafkar Alsace-Moselle

Strasburgu
Siti oħra
0
99
-il sena
2h
15-35

Il-parlamentarium Simone Veil

Strasburgu
Parlament Ewropew
1-100
24
Matul is-sessjoni plenarja

Żjara fl-Emiċiklu ta' Strasburgu - plenarja

Strasburgu
Parlament Ewropew
60' - 150'
10-100
24